Best að rumpa af nokkrum minnispunktum um ítalíuferðina... sem var geðsjúk by the way!
Gurra og Hanna komu að sækja mig upp úr 14 á fimmtudeginum 29.maí og ferðinni var heitið til Keflavíkurflugvallar. Þegar búið var að rasa um flughöfnina og versla smá þá var drifið sig á barinn (of course) og fengið sér einn eða tveir kokteilar með restinni af vsó liðinu sem við hittum í fríhöfninni. Þar sem við sátum og supum okkar drykki og blöðruðum saman þá fundum við jarðskjálftan ríða yfir. Fljótlega bárust stórlega ýktar fréttir um jarðskjálfta sem væri um 6,9 á richter kvarða og átti upptök rétt hjá Selfossi. Auðvitað kom smá magaskjálfti í mína þar sem jú öll fjölskyldan mín er á Selfossi. Þetta var sem betur fer um 4 leytið svo ég náði í Pabba heima en það var ekki séns að ná í gsm síma. En ég náði í Pabba og hann leiðrétti fréttirnar aðeins 6,1 er aðeins soldið mikið mikið minna en 6,9! En það var fullt af dóti sem brotnaði heima, sjónvarp sem eyðilagðist og fleira en sem betur fer allt bara dauðir hlutir! Manni leið nú ekki beint vel að vera svona langt frá fólkinu sínu og svona smá áhyggjur og taugaæsingur í gangi en það gekk yfir.
Komum til Rapallo um 2 leytið af því mig minnir og í rosalega flott hótel! 5 stellur ekki meira né minna. Herbergin voru mjög mismunandi en öll mjög flott. Daginn eftir var aðeins litast um á hótelinu og svo farið í siglingu um cinque terre. En það eru 5 smábæjir sem eru staðsettir utan í fjöllunum við riveríuna. Veðrið var ekkert sérstakt en maður þrjóskaðist þó ansi lengi við á hlýrabolnum. Stoppuðum í bæ sem heitir Monterosso og þar kynntumst við Gurra og Hanna snilldarvíni sem átti eftir að litaferðina soldið rauða. Brachetto er svona rautt desertvín með smá gosi. Hrikalega gott!!!
Anyhow áfram hélt ferðin og næst stoppuðum við í bæ sem tilheyrir ekki beint cinque terre og heitir Santa Margarita eftir að hafa rúntað um höfnina í Porto Fino þar sem ríka liðið á hús. Í Santa Margarita fengum við okkur meira Brachetto og þegar farið var aftur um borð í bátinn var borðað þvílíkt fínt hlaðborð og drukkið meira. Eins og íslendingum einum er lagið var svo heldur betur tekið á því ásamt því að spila á gítar og syngja. Þvílíkur stemmari. Þegar komið var aftur til Rapallo voru allir í þvílíkum gír svo það endaði þannig að Einar boss, Smári Ó og Guðjón enduðu í höfninni. Hluti af hópnum fór svo á bar og þar var djammað langt fram eftir og mikið mikið hlegið.
Á laugardeginum var skroppið í bænum eftir að hafa fengið sér morgunverðarhlaðborð og kampavín með því (í alvörunni) svo var hangið við sundlaugina sem var mjög köld. Sumir gerðust svo djarfir að fara líka í sjóinn sem var víst enn kaldari.
Árshátíðin var svo um kvöldið og byrjaði með smá pre party í herberginu hjá Kristjáni og Beggý, en þau voru með rosalegar svalir sem hægt var að hanga úti á. Svo var dryfið sig niður í fordrykk og héldu sig flestir úti við í frábæru veðri á svona terrace með rosalegu útsýni yfir miðjarðarhafið.
Þetta var eiginlega eins og maður væri staddur í einhverri kvikmynd. Allir í galaklæðnaði með kampavín við hönd. Rosa flott!!! Ekki tók neitt verra við þegar inn var haldið og borðað. 5 rétta máltíð og þjónar á hverjum fingri. usss...... það var tekin smá Tyra á þetta
Það var sko haldið áfram langt fram á nótt og Beggý fékk að halda eftirparty líka
Sunnudagurinn fór líka í þvílíkt chill.... og endaði eiginlega með frekar fyndinni tilraun til að fara út að borða svon 17 saman. Ekki að gerast! Hægara sagt en gert að fá borð fyrir 17 manns. Það endaði líka þannig að við skiptum hópnum upp og kvöldið var bara tekið rólega.
Á mánudaginn drifum við okkur af stað með lest til Genova þeas ég, Hanna Sigga og Gurra. Andrea (pabbinn í fjölskyldunni sem ég var au-pair hjá) kom og sótti okkur og gat ekki gert annað en grín að farangrinum okkar sem var svona aðeins í meiri kantinum. Drifum okkur svo heim til fjölskyldunnar minnar í Via Puggia og borðuðum æðislegan hádegismat með fjölskyldunni. Ekkert smá gaman að hitta gengið!!! Kíktum svo út og skoðuðum okkur aðeins um í Genova og fórum svo aftur heim í kvöldmat sem var sko ekki síðri en hádegismaturinn.
Á þriðjudaginn keyrði Stefania okkur út á flugvöll til að sækja bílaleigubílinn okkar. Svo var brunað af stað í suður átt eftir smá klúður við að komast út úr Genova
Við keyrðum ítölsku riveríuna eins og hún lagði sig og í átt að Volterra sem er rétt sunnar en Flórens. Fórum út að hraðbrautinni í Toscani og keyrðum í gegnum sveitina að Volterra sem er lítið og krúttlegt þorp. Þar sáum við m.a. höggmyndasmiði og lentum í jarðarför. Huhummm.... sæti höggmyndagaurinn
Þannig var það að þegar við vorum að keyra út úr Volterra þá var rosaleg umferð og á einum stað beyðgu ALLIR út af. Á hinum vegarhelmingnum á þessum stað var lögga sem var að stoppa umferðina í þá áttina. Einhverja hluta vegna héldum við að verið væri að gera við veginn og að öllum væri vísað á hjáleið (spurning um að vera búin að vinna við veghönnun of lengi). Jæja eins og allir hinir beygðum við út á vegslóðann þar sem bókstaflega var ekið á 20 ef ekki minna. Mér leist reyndar ekkert á blikuna þegar maður sá að fólk var farið að leggja og ganga í sömu átt og við vorum að keyra. Mér varð að orði að við værum örugglega lentar í einhverri jarðarför. Gurra varð kjánaleg á svipinn og sagði djö á ég eftir að hlæja ef svo er. En já stuttu seinna keyrðum við framhjá kirkjugarði, fullum af syrgjendum. Já það var eiginlega ekkert hlegið neitt rosalega nema þá helst að því hversu miklir aular við værum. Jæja okkur tókst að snúa við og mættm þá eimmitt líkbílnum... huhumm.... á einbreiðum vegi. Sem betur fer var hann búin að skila kistunni af sér...En líkbílinnn með prest í framsætinu bakkaði á undan okkur að einhverjum gatnamótum.... okkur leið vægast sagt kjánalega.
En áfram hélt ferðin og við komumst til Flórens seinnipartinn þennan dag. Í Flórens gistum við hjá Steinþóri vini hennar Gurru sem bjó á efstu hæð í miðbæ Flórens. Smá puð að koma töskuhlössunum upp en það tóks. Þá um kvöldið fórum við 5 saman út að borða á æðislegum mexíkönskum stað sem heitir Tijuana. Þar var ekki slegið slöku við enda mættum við á happy hour og enduðum á því að borða fínan mat og drekka með því 5 könnur af frosnum strawberry margarita. Rosalega gott..... En þjónarnir voru samt örlítið hissa af magninu sem við drukkum. huhumm... íslendingar í útlöndum.
Við drifum okkur svo á nokkra staði í viðbót og enduðum á stað sem heitir blob. Þar sátum við í mesta sakleysi þegar við heyrðum allt í einu kunnuglega tóna... var þá ekki skímó kominn á fóninn okkur algjölega að óvörum. Það reyndist vera eðlileg skýring á þessu en diskurinn hafði verið skilinn eftir á staðnum eftir íslendingakvöld sem þar var.
Anyhow daginn eftir þá drifum við Hanna Sigga okkur í skoðunarferð meðan Gurra fór og heimsótti fyrrum kennarann sinn. Kíktum á dómkirkjuna og gengum upp í turninn þar. Fórum reyndar upp í ekki alveg réttan turn... en við fengum amk geðveikt útsýni
Eftir turninn fengum við okkur ís og myndavélinni minni var stolið
Frekar svekkjandi en sem betur fer ekki það allra alvarlegasta! Hittum svo Gurru aftur og kíktum í nokkrar búðir
Fórum svo út að borða með Davíð og Frikka og fengum okkur rosalega Fiorentina steik. Hún var huge og ekkert smá góð!
Á fimmtudagsmorgunin fórum við og sóttum bílinn í bílastæðahúsið þar sem við geymdum hann og brunuðum af stað í áttina að Feneyjum. Tókum reyndar rangan exit á hraðbrautinni... vorum samt sem áður á leið í rétta átt svo við fórum bara til Veróna sem er æðisleg og kíktum á Casa della Giulia. Eða húsið hennar Júlíu. Þetta er einskonar safn þar sem búið er að ákveða að Júlía í og Rómeo og Júlía hafi búið. Haha.... ótrúlega menningarlegt.
En við kíktum þanngað með öllum hinum túristunum. Þegar við vorum búnar að skoða okkur um í Veróna þá keyrðum við í átt að Feneyjum. Rétt fyrir utan Veróna fórum við af hraðbrautinni og villtumst að 4 stjörnu hóteli í Vicenza eða í úthverfi Vicenza. Þar ákváðum við að kíkja á hvað það kostaði þar sem við vorum ekki beint að finna neinn gististað. Í ljós kom að við fengum herbergið mjög ódýrt svona miðað við gæða amk svo við skelltum okkur á það, enda orðnar þreyttar og svangar eftir langan dag. Sjaldan verið svona gott að komast í góða sturtu og borða góðan mat
Á föstudaginn drifum við okkur svo loksins til Feneyja.
Höfðum fengið skilaboð frá Dröfn og Hring að þau yrðu þar líka á föstudaginn svo þegar til Feneyja kom hittum við þau. Þetta var æðislegur dagur þar sem við borðuðum góðan mat, drukkum vín, fórum í gondólasiglingu og hlustuðum á hljóðprufur undir regnhlífum.
Fengum reyndar smá skúrir en þetta var æði! Fórum á gondóla og gondólagaurinn sagði okkur frá hinu og þessu skemmtilegu um Feneyjar. Sáum hús Casanova og hvernig vatnið er að fara með borgina sem er hreint út sagt ótrúlegt. Mæli eindregið með að kíkja á borgina áður en hún sekkur alveg
Eftir frábæran dag í Feneyjum drifum við okkur aftur af stað og lentum í rosalegri rigningu.... það var bókstaflega ekki hægt að tala saman inn í bílnum það ringdi svo rosalega, það stoppaði reyndar ekki gaurinn sem tók fram úr okkur á rosalegum hraða á gulum lamborghini! Drifum okkur að borða á Autogrill og ákváðum að drífa okkur bara aftur á sama hótel og við vorum á nóttina áður. Vorum svo heppnar að núna var helgartilboð svo það var enn ódýrara en nóttina áður
Rosalega gott að fá góðan nætursvefn!
Laugardagurinn var eiginlega ekkert skipulagður vorum eitthvað að spá í að fara að lake garda eða como en ákváðum í staðinn að drífa okkur til Marienello home of Ferrari og kíktum á Ferrari safnið þar og ég komst eins nálægt Ferrari verksmiðjunni og óbreyttur óFerrari eigandi kemst. Semsagt að varðhúsinu þar sem ég bað um leiðbeiningar að Ferrari safninu haha......
En já Ferrari safnið var æði !!!!
Ógó gaman að skoða bíla með strákunum.... frekar fyndið svona miðað við 3 stelpur á road trip. Seinnipartinn fórum við svo áleiðis til Milano og enduðum á því að gista í Piacenza. Þegar við drifum okkur niður í bæ til að borða þá dóum við næstum úr hlátri því niður í bæ var rosaleg bílasýning. Við erum að tala um gamla porche-a, Ferrari og fleiri ofurbíla.
Svona til að ljúka þessum rosalega strákadag drifum við okkur á Fratelli bufalo og fengum okkur rosalega steik. Að því loknu fórum við á kaffihús og fengum okkur Brachetto og kokteila. Bara gaman... við Gurra vorum svo bjartsýnar þegar við fórum frá hótelinu að taka ekki með okkur regnhlífar. En þegar við ætluðum að drífa okkur aftur á hótelið þá byrjaði að rigna. Fengum sem betur fer leigubíl fljótlega og drifum okkur á hótelið.
Sunnudagurinn rann upp og við vöknuðum snemma og drifum okkur af stað til Milano. Ótrúlegt en satt en við fundum Stazione Centrali, þar sem við áttum að skila bílnum, frekar auðveldlega, eftir að hafa bara einu sinni spurts til vegar. Það var reyndar svo smá höfuðverkur að finna Hertz en það tókst á endanaum. Hótelið okkar Hotel Berna var svo bara rétt í göngufæri við það sem var æðislega hentugt. Hittum svo pörin Jolla og Ingu og Ómar og Heiðu og drifum okkur niður í bæ. Skoðuðum dómkirkjuna og enn og aftur fór að rigna um svipað leiti og við hittum Dröfn og Hring niður í bæ. Við skelltum okkur öll saman á kaffihús og fengum okkur bjór. Eftir að hafa setið góða stund ákváðum við að finna hm og reyna að versla smá fyrir kvöldið. Það tókst... verlsaði reyndar ekki mikið en aðeins. Þegar við komum aftur á hótelið var skipt yfir í kvöldklæðnað og í hópinn bættust Frikki og Davíð. Við fórum svo ölll 11 út að borða á æðislegum stað, það var þvílíkt borðað!
Eftir að hafa borðað okkur nánast til bana þá drifum við okkur á bar í nágrenninu og þar flutu kokteilar, svo var haldið á annan stað og fleiri kokteilar. Allir voru komnir í grúvið og við af stað á næturklúbb sem átti að vera voða góður... en þar sem það var sunndagur lokaði hann um 2 svo það varð lítið úr því... sem var kannski ágætt. Okkur tókst samt að spjalla til rúmlega 4 um nóttina svo....það var lítið sofið sérstaklega þar sem við vöknuðum um hálf 10 daginn eftir.
Seinasti dagurinn á Ítalíu... við skelltum okkur í búðir og versluðum "örlítið". Það tók okkur ekki mjög langan tíma. Við borðuðum svo seinustu máltíðina á veitingastað sem var á móti hótelinu og drifum okkur svo öll saman út á flugvöll, fengum eitt versta flug heim ever.... það var hreint ótrúlega þröngt um okkur í fluginu en þetta slapp og þó það væru einhverjar tafir vorum við komin heim til íslands um 3 leytið.
Anyhow that's it...
hér eru myndirArrivaderci
Inga